குப்பையில் வீசப்பட்ட முதியவர்.... அரசு மருத்துவமனையில் நடந்த அவலம்!!!!

நெல்லை அரசு மருத்துவமனையில் சிகிச்சை பெற்று வந்த முதியவர் கவனிப்பார் இல்லாமல் குப்பையில் வீசப்பட்டுள்ளார்.

திருநெல்வேலி மாவட்ட அரசு மருத்துவக் கல்லூரி மருத்துவமனையில் ஆதவரற்ற முதியவர் ஒருவர் 2 மாதங்களாக சிகிச்சை பெற்று வந்தார். தமிழ் பேசத் தெரியாத அவர் இயற்கை உபாதைகளைப் போக்கிக்கொள்வதைக்கூட தானாக செய்துகொள்ள முடியாத நிலையில் இருந்திருக்கிறார்.


அவரது உடல்நிலை நாளடைவில மோசமாகிக்கொண்டே வரவும் படுக்கையிலேயே இயற்கை உபாதைகளை கழித்துள்ளார். அவரை உடன் இருந்து கவனித்துக்கொள்ளவும் யாருமற்ற நிலையில் இன்று (வியாழக்கிழமை) காலை அவர் மருத்துவமனை வளாகத்தில் உள்ள குப்பை மேட்டில் தரையில் படுக்கவைக்கப்பட்டுள்ளார்.

அரசு மருத்துவமனையில் சிகிச்சை பெற்ற முதியவரை நிர்கதியாக விட்ட செய்தி ஊடகங்களில் பரவியதும், மருத்துவமனை நிர்வாகம் அவரை மீண்டும் மருத்துவமனைக்குள் வைத்து சிகிச்சை அளிக்கத் தொடங்கியுள்ளது.





Jane Doe

Tamil Arasan

Creative writing content-writing. proficient in Tamil language

Share This Post