முடியல... 'ஸ்மார்ட் போன் விலையை குறைங்கப்பா' - சுந்தர் பிச்சை அறிவுரை..!



டிஜிட்டல் பயன்பாட்டை அதிகரிக்க ஸ்மார்ட் போன்களின் விலையை குறைக்க வேண்டும் என கூகுள் நிறுவனத்தின் தலைமை செயல் அதிகாரி சுந்தர் பிச்சை தெரிவித்துள்ளார்.

உலகின் முன்னணி இணைய நிறுவனமான கூகுளின் தலைமை செயல் அதிகாரியாக, சென்னையில் பிறந்த வளர்ந்த சுந்தர் பிச்சை உள்ளார்.தான் படித்த கராக்பூர் ஐ.ஐ.டி மாணவர்களை நேற்று சந்தித்த அவர்,அவர்களோடு உரையாடினார்.

”தற்போது இந்தியா முழுவதும் டிஜிட்டல் பொருளாதாரத்தை மத்திய அரசு ஊக்கப்படுத்தி வருகிறது.ஆனால் ஸ்மார்ட் போன்களின் விலை குறைந்தால் மட்டுமே,டிஜிட்டல் பொருளாதாரத்தின் முழு பலனையும் பெற முடியும்.” என சுந்தர் பிச்சை கருத்து தெரிவித்துள்ளார்.



”உலகின் மிகப்பெரிய ஸ்மார்ட் போன் சந்தையான இந்தியாவில் தற்போது வரை 200 மில்லியன் ஸ்மார்ட் போன் பயனாளர்கள் உள்ளனர்.அவர்களின் பெரும்பாலானோர் உள்ளூர் மொழிகளை ஸ்மார்ட் போன்களில் பயன்படுத்தி வருகின்றனர்.எனவே ஸ்மார்ட் போன் பயன்பாட்டை எளிமையாக்கும் வகையில் அவற்றில் சில மாற்றங்களை செய்து,அதன் விலையையும் குறைக்க வேண்டும்.ஸ்மார்ட் போன்களில் பயன்படுத்த நல்ல இணைய வசதியையும் அளித்துவிட்டால் டிஜிட்டல் பொருளாதாரத்தை விரைவில் எட்ட முடியும்.இந்த நோக்கில் கூகுள் நிறுவனமும் பல்வேறு புதிய திட்டங்களை அறிமுகப்படுத்த உள்ளது.”என சுந்தர் பிச்சை தெரிவித்துள்ளார்.





Jane Doe

Tamil Arasan

Creative writing content-writing. proficient in Tamil language

Share This Post